دايسكي راح يصارح هيكارو

موضوع: دايسكي راح يصارح هيكارو 10/11/2008, 12:25 pm

هاي قصه من قصص كريندايزر التحشيشيه.... ....

يوم من الايام داسكي ضايج فد نوب و كلبه دا يحترك يريد يصارح هيكارو بس مستحي ضل يفكر شلون شلون شيكول شيحجي فكر زين و حفظ الحجي وراح على هيكارو جان يكلهة : هيكارو عندي شغلة وياج تكدرين تجين للمزرعة الساعة بـ 12 بالليل
هيكارو كالتلة: لا عفية ما اكدر عيب اني بنت عرب و عيب هل سوالف وبعدين اني اخاف من ابوية
داسكي كال: يمعودة السالفة مو اكثر من خمس دقايق المهم قنع البنية تجي للمزرعة

والله صارت الساعة 12 جان تجي هيكارو للمزرعة لكت دايسكي كاشخ ولابسله بدي ونافخ نفسه ومتنك عليها وضاربله ابره بالعضله

هيكارو كالت: احجي شتريد عالسريع ترة ابوية يفز بليل يتفرج على صحون المنيفو
توة دايسكي دا يريد يصارحهة جان هيكارو تصيح يمة دايسكي شوف القمر صاير لونه احمر

جان دايسكي يكول: ولك هو اني حديقة هسة وكتك يا فيكا الكبير مو توني دا اريد اصارح
بهالاثناء جان يجي دامبي للمزرعة

دامبي كال: ها ولك دايسكي لكفتك اليوم اصمط جد جدك تعال

جان هيكارو تكول لدايسكي : ولك اركض هذه ابوية تره من يصير عصبي يصير مخبل محد يكدرله

جان يفلت دايسكي و يدردم بينة وبين نفسة لعد اني شكد فكر لا دامبي يرحم ولا فيكا يرحم

جان يدك الموبايل مالته شاله جان يكول
اهووووووووووووووو دكتور امون هسة وكتك
المهم فتح خط وكاله: ها بوية شتريد

امون كال : ولك وليدي ترة صار العلس اربعة بربع قوات فيكا دا تعلس الناس بالسوك عالهوية

دايسكي كال : ادري كل مرة تخابر علية ماتخابر على كوجي والله بزعتوني
امون كال: انت خابر كوجي و اطلعوا سوية اني ماعندي رصيد
دايسكي كال: انت لشوكت تبقة حديقة كل ما احجي وياك تكول ما عندي رصيد
وبوية رحمة لالله لا كلساع تسويلي مسكول من اتعارك اخلص واني اجي اسولفلك
المهم خابر دايسكي كوجي جان يكوله ولك انت وين ترة العلس بالسوك شغل طيارتك و تعال
كوجي كله: ادري هسة وكتكم مو دا العب دعابل وية كورو ومخسرني 20 دعبله

دايسكي كله : ولك هسة وكتهة ولك امشي اني تعبت كل يوم اروح وحدي ولو انت طرطور يجيك صاروخ توكع طيارتك و يجي كرندايزر يشيلك

المهم ضل دايسكي يمشي بالماطور لحد ما جيت من النهر و تحول الى دوق فليد وجان يطلع من الطريق المعروف طريق رقم5 لان الطريق رقم 6 كبل شويه طاكه بي عبوه فسدو الحرس الوطني
المهم طار كريندايزر وجان مشغل تبريد لان الجو يصمط صمط بحيث جان ديسوق ولابس فانيلا ومشغل لاحت رؤؤس الحراب
وحاط صورة هيكارو عالدشبول مال كرندايزر يكول شوكت اصارحج مو راح اتخبل

والله بهالاثناء كوجي وصل للسوك و شاف العالم تتراكض جان يخابر مركز الابحاث كاله عيني هذه الوحش العلاس شأسمه كالولة مركز الابحاث الوحش اسمة الاكرع الاحول

والله كوجي صار سبع و جان يهفه بصاروخين من هاي الحنينه

جان يشوفو جماعة المنيفو جان يرمون عليه بال بي كي سي وعلكت عليه

و الوحش لازم العالم و علس عالهوية

جان يجي كرندايزر كالة للوحش انت لو زلمة تعال خلي نطلع بالجول نتعارك مو بالمدينة
الوحش كال: هاي ليش تريد نتعارك
جان كرندايزر يضوج : كالة لعد اني عفت هيكارو علمود شكولك الزفرة و تريدنة ما نتعارك
اليوم راح اسكطك من الكتل

جان يضربة بالصحن الدوار جان يصده الوحش للصحن الدوار
جان يضحك كاله عندي رعد فضاء
والله جان يضربه وجان يجرله الرزة المزدوجة وكصه نصين و تفجر الوحش

والله رجع عالسريع جان يصيح هيكارو جان يصارحهة
هيكارو كامت تفيك براسه : اني ما اسوي علاقة وانت مثل اخوية و اني مخطوبة لابن عمي باندا ومن هالحجي مال هالوكت

جان دايسكي عود صاير لوتي يريد يفرهة عليها كلهة همزين هيجي كلتي لان اني جنت دا اختبرج دا اشوفج خوش بنية لو لا
وعافهة ورجع ركض بالحشيش يبجي هههههههههههههه

ههههههههههههههههههههههه

عاشت الايادي اسير الروح

مبدع دوماااااااااااااا

ههههههههههههههههههههههه

يسلموووووووووووووو اسير على الموضوع

موضوع: رد: دايسكي راح يصارح هيكارو 4/12/2008, 1:40 pm

هههههههههههههه

يسلمووووو اسير على الموضوع الحلوووووووووو

عاشت ايدك

ههههههههههههههههه

عاشت الايادي اسير

دوك مبدع

شكراا على المرور الجميل

منورين الموضوع بمروركم الجميل

موضوع: رد: دايسكي راح يصارح هيكارو 21/1/2009, 6:19 pm

هههههههههههههههه

عاشت الايادي

مبدع دوماااااااااا

موضوع: رد: دايسكي راح يصارح هيكارو 14/3/2009, 2:55 pm

شكراا على المرور

منورين الموضوع